طريقه حمام بخار وازاله البثور السودا من خبيره مغربيـــــــــــه

عرفت طريقه حمام بخار حلوه اوووووووووى وازاله البثور

انا جربت كذا طريقه من كذا كوافيره بس دى كانت تحففففففه

ماشاء الله عليها

عندى الكوافيره مغربيه فى مركز التجميل اللى بروحه

وكانت بتشتغل فتره بالسعوديه وجت مصر

قالتلى اولا غلط اننا نلعب بالثوره دى نهائى

لانها لو عفصناها هتكتر وهتطلع بدالها بعدها شعر صغير

مينفعش حتى نتغط عليها بالاله الحديد او معدن قالتلى دكتور قالها الطريقه دى غلط

لان الاله الحاده هتعمل مشاكل بالجلد

والبثور عباره عن دهون بتطلع من المسام ومع عامل الجو بتنشف وبتتحول للون الاسود

الاول نضفت وشى بميه الورد قالتلى دايما تستخدميه اول مااتصحى

وقبل ماتنامى تغسلى وشك بااى مطهر منظف غسول او صابونه طبيه

وبعدها بقطنه مبلله بميه الورد

وبعدين بعد مانضفت وشى بميه الورد حطت وشى على جهاز البخار عشر دقايق كده

بس لازم الوش يفضل كله بالجهاز وغطتنى بفوطه

علشان المسام تتفتح والبشره تاخد البخار كله

(سمعت ان فى نااس بتحط اضافات فى الميه
فى بيحطو نقطتين ميه ورد او نعناع اعشاب يعنى )

وبعدين حطتلى كريم كده بس هموت واعرف اسمه

مردتش تقولى ابداااااااااا

حطيت منه لاقيت وشى منور منور وبيلمع ولا الممثلات

المهم زعلت طبعا هههههههههه وشايله اسم الكريم من على العلبه

المهم بعد ماحطتلى من الكريم ده حطت وشى بالجهاز تانى خمس دقايق

وبعدها لاقيت وشى بقى زى البيضه المسلوقه

مسحت الكريم بقطن وبعدين ابتدت تضغط من طرفين الانف بحتتين قطن
بصوابعها

وتطلع البثور السودا كلها بقت تطلع معاها بسهوله جداااااااااا

وبعدين مسحت الوش بقطنه فيها ميه ورد عالطول علشان تقفل المسام

لان ميه الورد ماده قابضه

المهم حطتلى الكريم تانى وعملتلى مسااج للوش كله

جت عند حلقه العين من تحت فركت بحركه دائريه لجوه وعكس الساعه

وعند الجبهه عملت حركات دائريه

والخدود فضلت تضغط من تحت لفوق

من الخد تمشى صوابعها من تحت لفوق كانها طالعه على العين حركات ورا بعض

وطبعا مع الاسترخاء اد اربع خمس دقايق كده لانها بتنشط الدوره الدمويه بالبشره

وبعدها حتطلى ماسك صنفره ربع سااعه

وفى بيحطو طمى مغربى للوش وفى بيحطو بودره تلك على حسب يعنى

وبعدها مسحت وشى بقطن فيه ميه ورد تانى وحطيت كريم مرطب وخلاص كده

بس الافضل نعملو بعد ازاله الشعر بيوم

الطريقه دى من بعد ماغشتها منها بقيت اعملها نفسى فى البيت

ايه رايكم

اذا عجبتكم الطريقه قيمو الموضوع علشان اغشلكم منها حجات تانيه

يارب تنولو كل اللى بتتمنوه ياااااااااااااااااارب

» طريقه لتنظيف حمام منزلك
» طريقه عمل الكيراتين
» طريقه عمل الكيرلي النااااعم
» طريقه تجعيد نانسي واليسا وهيفاء
» طريقه تحضير المعكرونة مع كرات الكفتة