ّ"""""موسوعة التسريحات اعرفى ايه اللى يناسب سنك ووشك والمناسبة وكل حاجة"""""

ازيكم ياقمرات
انا قلت اعمل موضوع عن التسريحات كنوع من التغيير وبناءا على رغبة احدى العضوات
حنتكلم عن ايه المناسب لكل سن من الطفولة لحد المدامات الكبار
وحنتكلم ايه المناسب للصبح ولبليل والبيت والمناسبات

بس قبل اى حاجة
انا كاتبة الموضوع ده من اوله لاخره ده
غير ان النت زفت عندى انهارة واتشليت فى رفع الصور والتنسيق يعنى لو عجبكم
اقل حاجة تقيموه عشان اتشجع انزل مواضيع تانية

يلا بينا

اولا حنتكلم عن البنوتات الصغيرين

اولا عن البنوتات البيبهات اللى لحد 4 سنين

الافضل بلاش تشدى شعر البت وتحطى توك وهما اساسا شعرتين بلاش تتفننى فيهم لو شعرها ناعم كده يبقى كفاية اكسسوار رقيق زى كده

وممكن تسيبى الشعر مفرود من غيرحاجة

ثانيا بقى البنوتات اللى من سن 5 سنين لحد 10 سنين

لو نازلة الصبح الاحسن الشعر يتلم كده

ولو بعد الظهر ارفعى نصه وسيبى نصه

ودى مجموعات تسريحات حلوة للبنوتات ممكن تنوعى فيها

خلصنا سن الطفولة دلوقتى سن ماقبل المراهقة

من 11 سنة ل 15 سنة

الصبح اللى غالبا المدرسة او النادى خليكى بسيطة بقدر الامكان
ممكن ضفيرة حلوة زى دى
ومن باب التغيير هاتيها على جنب كده

او ضفيرتين من الجنب مع قصة رقيقة كده

طب خارجة بعد الظهر ممكن تعملى ديلين حصان بشكل مختلف مع اكسسوار شيك كده
(عاملة ديل حصن ورفعاه وشبكاه فالتوكة)

ولو عندك مناسبة ممكن تسيبيه او تعمليه سيشوار مع اكسسوار فيه جليتر كده وحلو

يتببببببببببببع

دلوقتى سن المراهقة ومابعده من 16 ل 25 سنة
اكترسن متعب وعايز يغير فى نفسه على طول وبتبقى البنت كل
يوم عايزة نيو لوك ماتفكروش انى بعيدة عن السن وبألس انا مش تميت 21 سنة
ولغاية دلوقتى كل ماانزل ببقى عايزة اعمل نيو لوك هههههههه

لو فالمدرسة او الجامعة او الشغل

لفى شعرك ديل حصن بس بطريقة حلوة انك تربطى شعرك بشعرك يعنى ايه؟
تاخدى خصلة ولفيها حاولين شعرك واقفليه ببنسة زى ده

وممكن ترفعى شعرك بطريقة شيك مع قصة حلوة كده

طب لو بعد الظهر ممكن تعملى ديل حصان وتجيبيه على جنب او تسيبيه وتجيبيه على جنب كده

او كده

ولو مناسبة طب ممكن مايحلو لكى بس كل ماتبقى بسيطة يبان
سنك صغير لكن اللى بيملوا شعرهم تسريحات مكعبلة ولا السنيوهات دى مناسبة
لسن اكبر من كده زى ماحنشوف
فممكن حاجات بسيطة اوى كده

سن من 25 ل 40
سن النضج ولازم اسلوبك فى كل حاجة يتغير يعنى لو متعودى
على اللوكات المجنونة والفانكى سواء فالميك اب والشعر لازم تغيرى كل ده
عشان محدش ينقدك

فلو الصبح ممكن تسيبى شعرك بطريقة سيمبل كده

او ترفعيه بشكل شيك كده

طب لو بعد الظهر اعملى تسريحة مختلفة يعنى تلمى اجزاء من شعرك وتسيبى الباقى
زى دى حلوة اوى

او سيبى شعرك واعملى خصل كيرلى وخصل مفرودة

او تعمليه كيرلى وترفعيه

وفى المناسبات دى نوعية حلوة اوى لتسريحات شعر مناسبة للسهرات فالسن ده
لو فى مناسبة رسمية ممكن تعملى دى

لو حابة تبقى رقيقة ممكن دى

ودى لو حابة تكون مختلفة شوية

يتببببببببببببع

واخيرا التسريحات المناسبة للمدامات الحلوين من 40 سنة لما فوق

غالبا السن ده بيتميز بحاجة منتشرة اوى الاوهى الشعرا
لقصير بيكون شكله مناسب اكتر بس برضه فى ناس تحب تحتفظ بشعرها الطويل او
ده المناسب ليها
كمان هنا التسريحات سواء للصبح او بليل مش بتختلف اختلاف كبير بس الاهم فى السن ده البساااااااطة يعنى شعر مفرود وبسسسسسسس

ودى مجموعة من التسريحات المناسبة للشعر القصير

ودول للشعر الطويل

وناو حنتكلم عن ايه المناسب من تسريحات الشعر بالنسبة لرسمات الوش

1/ صاحبات الوش الممتلئ

لو وشك ممتلئ ماشاء الله وكلبوظة وعندك خدود حلوة كده اوعى تعملى التسريحة دى

ولا كده

لانها بتبين الوش تخين اكتر

الافضل خلى شعرك طويل ومفرود زى كده

او اعمليه كده

2/ صاحبات الوش النحيف

لو وشك رفيه زيادة عن اللزوم بلاش تعملى شعرك طويل ومفرود اعمليه قصير زى الصور اللى فوق او ارفعيه زى كده

3/ اما لو وشك عادى ولا رفيع اوى ولاكلبوظة يبقى اى تسريحة تناسبك

يتبببببببببع

ودلوقتى حنقول تسريحات للبيت

فالبيت طول النهار وغالبا جوزك مش موجود فالشغل يعنى ارفعى
شعرك او لميه بطريقة بسيطة بس انسى الكحكة او انكى تلميهبتوكة جامد كانك
خايفة يهرب لو لمتيه يكون براحة خالص

اما لو بقى جوزك مفرود اختارى تسريحة تناسبك زى ماقلنا من
اللى فوق بس المهم متكونش حاجة اوفر يعنى متعمليش شنيوه وانتى فالبيت ولا
تمليه ضفاير
سيبيه او اعمليه كيرلى او ارفعيه بطريقة شيك اعمليه سيشوار حطى اكسسوار حاجة حلوة كده

ودى افكار ممكن تعمليها وانتى فالبيت

ملحوظة مهمة جدا جدا

((ممكن اى واحدة فى اى سن وفى اى وقت
يناسبها اى تسريحة من كل التسريحات اللى فوق انا اتكلمت عن المناسب عامة
ولاغلب البنات وكمان الاشيك والاحلى بس الاذواق بتختلف واللى يناسبك ممكن
ميناسبش غيرك))

وبس انا كده خلصت اتمنى اكون افدتكم

» عايزه ماسك او اي سؤال عن الوان الميك اب او التسريحات تعالي اقولك
» شوية افتكاسات وافكار كده لو جبتى مكياج وطلع مش مناسب او حبيتى تعملى حاجة جديدة
» مش هقولك تونيكات روووووووووعة انتى اللى هتقولى
» تعالوا معايه وقالوا باى باى لشعر البطن اللى مزهقنا كلنا
» موسوعة شوربات ساخنة