شوية افتكاسات وافكار كده لو جبتى مكياج وطلع مش مناسب او حبيتى تعملى حاجة جديدة

ازيكم حبايبى عاملين ايه
انهاردة عاملة موضوع مفيد اوى لمين بقى؟
للى جابت ميك اب وطلع الوانه مش حلوة او مش مناسب
وللى حابة تحط ميك اب مش عندها ادواته
(كمان فى افكار حاستعين بيها من العضوات هنا و حكتب اسم العضوة للامانة)
(وطبعا اكيد فى افكار قديمة ومعروفة بس ادينا بنقول للى ميعرفش)

يلا بينا

حنتكلم عن الاى شادو
لو جبتى اى شادو وطلعت الوانه خفيفة موت موت انا حصلت
معايا قبل كده حطى نقطة قطرة على اللون قبل استعماله حتلاقيه بقى زى
الالوان المية حطى بسرعة منه قبل ماتنشف وسيبيه لحد ماينشف على عينك
حتلاقيه بقى ثابت ولونه ظاهر

طب لو جبتى علبة الوان طلعت الوانها فاتحة مش خفيفة ونفسك تحطى لون غامق ولو درجة واحدة من اللون اللى حطاه زى دى

وحابى تخلى لون غامق منها حطى الاول فى منتصف الجفن نقطة
من الاى شادو الاسود بس مش كتير نقطة بس ووزعيها على جفنك وبعدين حطى
اللون اللى عايزاه

طب لو انتى بقى جبتى علبة الوانها غامقة وحابة تحطى الفاتح
منها مش تقوليلى احط شادو ابيض الاول وبعدين الشادو الملون لان ده كده
كانك حاطة بيس وحيخلى لون الشادو واضح اكتر

بس ممكن تعملى العكس يعنى تحطى الشادو الملون وحطى فوقيه
نقطة واحدة من اللون الابيض وادمجيها معاه حيفتحه وممكن تزودى الكمية حسب
درجة الفتحان اللى عايزاها

يتببببببببببع

الروج

جبتى روج طلع لونه مش ظاهر ولا كانك حاطة حاجة زى ده

وحابة يكون اتقل شوية وفى نفس الوقت عندك لون غامق اوى مش
بتعرفى تخرجى بيه فى اى وقت حطى نقطة من الغامق الاول وبعدين حطى الروج
الفاتح حيديكى كده

ولو طلع غامق او انتى عايزاه ارق من كده حاتى منديل وحطيه بين شفايفك واقفلى على براحة كده

طب جبتى لون او لونين روج من زمان وزهقتى منه وبطلتى
تستعمليه ممكن تدمجيهم مع بعض بانك تسيحى حتت منهم فى معلقة كبير على
النار وحطى معاهم نقطة فازلين بس مش تسيبيهم كتير على النار بالظبط 2
دقيقة وبعدين حطيهم فى اى علبة فاضية عندك بكده يبقى حصلتى على لون جديد
مكنش عندك قبل كده (فكرة pharmasit)

طبعا بنفس الفكرة ممكن تعملى مرطب شفاه بلون زى زبدة
الكاكاو بانك تحطى اللون اللى تحبيه وتدمجيه مع فازلين وجلسرين ودى انا
عملاها على فكرة وبستفيد بيها وانا برة لما الروج يروح وشفايفى تنشف بحطها

طب جبتى روج مش ناعم وتقيل وبينشف شفايفك رغم ان لونه
عاجبك اوى حطى الاول زبدة كاكاو وبعدين حطيه وبعدين حطى فوقيه جلوس شفاف
حيدى لوك وااااااو

يتبببببببببع

تحديد العيون

بتحطى كحل ودايما يسيح منك وبتبقى شبه العفاريت يبقى بلاش تحطى كحل جوة عنيكى ولا من تحتها حطى من فوق بس وكده على فكرة رقيق اوى

لو عنيكى ضيقة كمان بلاش تحطى كحل اسود جوة عنيكى حطى كحل ابيض زى كده بيوسع العين

عايزة تحطى ماسكارا تقيلة بس بتعمل اسود على الشادو وبتبوظ كل اللى عملتيه حطى منديل ورا الرموش وانتى بتحطيها

ولو الماسكرا بتعمل تكتلات على الرموش بعد ماتحطى وانتى
طبعا عاملة حركة المنديل دى برضه اغسلى فرشة الماسكرا كويس او خلى عندك
واحدة فاضية للاستخدام ده وسرحى بيها الرموش تانى لحد ماكل التكتلات تطلع
فالمنديل عشان يبقى عندك لوك حلو كده

يتبببببببببببع

كريم الاساس

اى عيب فى كريم الاساس تقدرى تعدليه بالباودر

جبتى كريم اساس طالع فاتح عليكى اوى هاتى باودر برونز شوية حتظبطهولك
طب جبتى واحد بس طلع غامق هاتى باودر افتح منك بدرجتين بس حتبقى تمام

جبتى كريم بيلمع جامد اوى وبيخلى شكلك مدهنن حطى عليه باودر مفيهاش جليتر وتكون اتقل منه عنى تحطى منه خفيف

البلاشر

ممكن تعملى بلاشر كريمى فالبيت بطريقة سهلة وحلوة زى طريقة العضوة الدنيا ساعة كده
جايبالكم النهرده طريقة حلوة لعمل البلاشر الكريمي في البيت بالصور ويارب تعجبكم

طب لون البلاشر بتاعك تقيل وبمجرد مابتحطى فرشاة واحد
بتبقى كانك مضروبة هههههههه حطى فوقيه باودر طبقى خفيفة ويفضل باللوس
باودر حيخليه ارق وجميل

دى بقى شوية نصايح عامة للاظافر

1- لو كنتى بتغسلى الاطباق لازم تلبسى جوانتى .
2- اوعى تستخدمى ظوافرك كاداة تفتحى بيها اى حاجة.
3- كلى اكل صحى واشرب مية كتير.
4- اوعى تقرقضى ظوافرك حتخلى الجلد حولين الظفر شكله بشع.

5- عشان طول اظافرك يوصل لنفس طول اظافرها يحتاج من 3 الى
4 اشهر لكن بالخطوات السابقة ستحصلى على مظهر لائق وانيق لاظافرك فى شهر
واحد.
6- لو انتى من النوع اللى بيقرقض ظوافره ادنيهم بالطلاء عشان مش تقربى جنبهم.
7-اظافرك ستطول فى كل الحالات ولكن يجب العناية بيها وقصها من فترة لاخرى حتى لا تنكسر.

[center][center][center]
بس كده اتمنى تكونوا استفدتم واوعوا تنسوا التقيييييييم

[/center]
[/center]
[/center]

» قبل ما تعملى موضوع فى قسم صحة المرأة أو الاستشارات تعالى هنا
» مكياج نعومي 2011
» مكياج سوداني اتحداك
» ترتيب وتجديد ديكور الحمام بلمسات وافكار بسيطه بالصور
» احلى صور مكياج 2011