ملف كامل و متجدد عن العطور الاوريجينال

كل عروسه و هي بتحضر حاجتها بتحتار في العطور و اقصد الاوريجينال و بتقعد تسال اي البرفانات احلى

بس باذن الله مافيش عروسه هتحتار لان كل عروسه عارفه زوقها و بتحب انهو روائح تعالوا هنصنفهم بطريقه سهله بحيث يبقى الاخيار سهل
يلا بيييييينا

اول حاجه تعالوا نعرف انواع البرفانات و ايه الفرق بينهم
هتلاقوا مكتوب عالعلبه حاجه من دول يلا بينا نشوفهم

1- Eau de Parfum

هو الشكل الأكثر شعبية من العطور في السوق اليوم. ويوفر رائحة عطر
دائم و ثابت و يحتوي على 7 في المئة الى 15 في المئة من الزيوت العطريه
المركزة يعني هو المطلوب لو كنتي عايزه رائحه تقعد مده طويله و ريحه ثابته
و مش بتروح بسرعه .

2- Eau de Toilette

هو أخف نوع من العطور ذات الرائحة عادة الصيغه دي بتبقى على هيئيه
بخاخ الجسم (body spray) و يحتوي على 1 في المئة الى 6 في المئة من العطور
المركزة يعني هو المطلوب في حاله لو بتحبي الرائحه الخفيفه جدا او بعد
الاستحمام لتعطير الجسم و جعل رائحته عطره هادئه.

3- Eau de Cologne

او هو ما يسمى ب ماء كولونيا و هو أكثر استخداما من قبل الرجال و لكن
يختلف عن الرجالي بانه يحتوي على الحمضيات والكحول . و ريحته مركزه برضه
على فكره و يوضع على اماكن معينه في الجسم لثبات رائجته زي خلف الاذن او
باطن الرسغ.

بعد ما عرفنا انواعهم تعالوا نعرف انواع الروائح المميزه لكل عطر و كل وحده تشوف بتميل لاي رائحه

يلاااا بيييييييينااااا

1- Floral ( عطر الزهور و الورود)

رائحة العطر من زهره او باقة من الزهور المختلفة مثل الياسمين ،
الغردينيا، زهر البرتقال والقرنفل. و ايضا يسمى fruity لانه هتلاقي فيه
خلاصة الفواكه

و لو بتميلي لهذه الروائح ممكن تختاري

London
Burberry
عبير الليمون و الياسمين و الورد

Eternity
Calvin Klein
خلاصة باقه من ورود ربيعيه

Pacific Paradise
Escada
يضم مزيجا من الليمون المجفف، وزهور التفاح ، وجوز الهند و زهرة الموز والعنبر.

Very Irresistable Sensual
Givenchy ****
مزيج مثير من ورق اللوز و الينسون والفانيليا و البتشول.

Envy Me
Gucci ****
مزيج من عود القرنفل والفلفل الوردي والياسمين والرمان والشاي الأبيض.

Flower by Kenzo
Kenzo
الجمع بين الزهور البلغارية و البنفسج مع الفانيلا.

نيجي لتاني تصنيفه

2- oriental woody (عطور شرقيه)

و احيانا تسمى بالعنبريه لانها عاده تحتوي على العنبر و هذه العطور تكون
ثقيله و مركزه و معظمها تحتوي على العديد من الاخشاب ذوات الرائحه كالبخور
عشان كده النوع ده يفضلوه النساء الخليجيات و ايضا يحتوي على المسك.

و لو بتميلي للروائح دي ف يفضل انك تختاري

212 Sexy
Carolina Herrera
مزيج المسك الشرقي و لكن بصيغه انثويه ناعمه و هاديه

Angel Peony
Thierry Mugler
مزيج من الميموزا و فول تونكا و المسك وخشب الصندل مع رائحة التوابل.

Omnia
Bvlgari
مزيج من ("متبل الشاي") و هو عباره عن تخمير الشاي مع مزيج من التوابل العطرية و يحتوي على الشوكولاته البيضاء.

Darling
Kylie Minogue
مزيج من خشب الفريزيا والليتشي.

Escada
Escada
مزيج من التوابل الشرقية ، وخشب الصندل والفانيليا وزهرة البرتقال.

كل اللي فاتوا فيهم لمسه من البخور و خشب الصندل و لمسه هاديه من العطور
الشرقيه لكن لو بتميلي للعطور الشرقيه الثقيله ف ممكن تجربي حاجات رصاصي
او بعض المحلات اللي بتبيع البخور الاصليه و زيوت العود

و اما التصنيفه التالته هي

3- Citrus ( عطور الحمضيات)

و هو ما يجمع بين روائح الليمون الخفيفة و الحمضيات (البرغموت والبرتقال
والليمون ، الافندي الخ...) مع الروائح أكثر أنوثة (الزهور والفواكه )
لإنشاء رائحة عطور منعشة للمرأة، و النوع ده يبعث النشاط و الانتعاش و
للمناخ الحار أو الرطب سوف يكون اختيارا ممتازا.

و لو بتميلي للروائح دي ف الافضل انك تختاري

Lucky You
Lucky Brand
مع نكهات جديدة من الحمضيات والزهور الخفيفة و لمسه من خشب الصندل والعنبر والمسك.

Realities
Liz Claiborne
مزيج من الزنجبيل الأبيض ، البرغموت والغردينيا .

Magnetism
Escada
مزيج من الفواكه الحمضيه الطازجة ويترك مع لمسة من المسك والبتشول.

Glow
Jennifer Lopez
مزيج من رائحه البرتقال و الليمون المنعشه

طبعا مش دول هما كل العطور لكن ايه رايكم نخلي الموضوع ده مرجع و هحاول كل
يوم انزل عطور جديده برائحتها المميزه و ممكن الفتوكات تدخل و تشاركنا
تجاربها مع العطور ايه اللي عجبها و ايه اللي ما عجبهاش

» قوانين قسم العطور وادوات التجميل
» الطرق الصحيحة لمعرفة العطور الاصلية من المقلدة
» اتعلمى عمل العطور السودانية والدلكات واكتسبى خبرة وزودى دخلك
» %% أفكار مطبخيه تجعل طعامك ألذ%متجدد
» كل يوم الرز بشكل .......(تعاوا وانتو تعرفوا!!!)..متجدد